AC Milan oo qarka u saaran inay heshiis cusub ka saxiixato Stephan El Shaarawy.

AC Milan ayaa qarka u saaran inay heshiis ka saxiixato da’yarkeeda tayada leh Stephan El Shaarawy xilli ay kooxda ka dalbatay qandaraas cusub.

20 jirkaan ayaa sutida u haaya gool dhalinta Serie A ee xilli ciyaareedkaan ka dib markii uu sideed gool dhaliyey xilli uu 11 kulan u ciyaaray Diavolo.

 

Wargeyska kasoo baxa dalka Talyaaniga Gazzetta dello Sport ayaa maanta qoraya in xidigii hore ee Padova iyo Genoa laga dalban doono inuu qandaraaska u cosbooneysiiyo Milan ilaa 2018ka.

El Shaarawy ayaa hada kooxda ka qaata mushaar dhan 80 kun oo euro kor ayaana loogu qaadi doonaa iyadoo la gaarsiinaayo  mushaarkiisa 1.2 milyan oo euro.

Xidiga heerka caalami ee dalka Talyaaniga ayaa diirada u saarnaa kooxo ay ka mid yihiin Manchester United iyo Real Madrid.

W/Q: Ahmed Jaangoan

Email: jangoan@hotmail.com

Caasimada – Mogadishu.