Maanta ayaa lagu wadaa in Ra’iisul Wasaaraha Soomaaliya Cabdi Faarax Shirdoon uu ku soo dhawaaqo golahiisa Wasiirada ee mudo looga fadhiyay inuu shaaciyo.
Wararka Saakay laga helayo aqalka madaxtooyada ayaa sheegaya in Golaha Wasiirada maanta duhurkii saacada soomaaliya lagu dhawaaqi doono.
Wasiirada oo ka yaraan doona Tiradii hore ayaa waxaa hadal wayn ay ku reebtay goorta Ra’iisul Wasaaraha uu ku dhawaaqayo iyadoo Saxaafada dibada iyo Soomaaliyana ay ka jahwareren.
Maalmo badan oo la filayay in Golaha Wasiirada lagu dhawaaqo ayaa dib u dhac uu ku yimid waxaana taas lagu micneeyay in Ra’iisul Wasaaraha la tashiyo uu samaynayo.
Sida Wararka Madaxtooyada aynu ku helayno Tobon Wasiir oo labo haween ay yihiin ayaa lagu dhawaaqi doonaa,waxaana warar kale ay sheegaayaan in markii ugu horaysay Wasiirka Arimaha dibada ay noqon doonto qof haween ah.
Magacyada qaar ka mid ah dadka loo maleeyo inay wasiiro noqdaan.
1 – Ra’iisul Wasaare ku xigeen ahna Wasiirka Arimaha Dibada Fowziyo Yuusuf Xaaji Aadan oo Isaaq ah, Habar Yoonis.
2- Ra’iisul Wasaare ku xigeen ahna Wasiirka Arimaha Gudaha iyo Amniga Qaranka Cabdikariin Xuseen Guuleed Hawiye, Habargidir, Sacad
3 – Wasiirka Gaashaandhita Gen. Muuse Xasan Cabdulle, Daarood, Ogaadeen.
4 – Wasiirka Qorsheynta, Beeraha, Deegaanka, Kaluumeysiga iyo Xanaanada Xoolaha Cabdi Risaaq Maxamed, Hawiye Xawaadle
5 – Wasiirka Waxbarashada hidaha iyo tacliinta Sare Faarax Sheikh Cabdulqaadir, Beesha Shanaad, Reer Aw-Xasan.
6 – Wasiirka Maaliyadda iyo lacagta Cawil Xuseen, Daarood Majeerteen.
FG: Magacyadan waxaan ku helnay xog, waxaana macquul in qaar ka mid ah wax ay iska beddelaan.
