Juan Mata ayaa loo magacaabay ciyaaryahankii ugu wanaagsanaa bishii October horyaalka Ingiriiska ‘Barclays Premier League Player of the Month for October’.
Xidiga reer Spain ayaa si aad ah uga dhex muuqday kooxdiisa ka dib markii uu caawiye ka ahaa todobo gool xilli uu goolal ka dhaliyey kulamadii ay kooxdiisu wajahday Arsenal, Tottenham iyo Manchester United, wuxuuna sanadii hore ahaa xidiga ugu caawinta badan horyaalka.
Waa markii ugu horeysay ee uu ku guuleysto abaal marintaan , wuxuuna noqonayaa xidigii ugu horeeyey ee sidaan sameeya tan iyo markii uu David Luiz abaal marintaan ku guuleystay bishii March 2011kii.
“Aad ayaan ugu farax sanahay alaal marintaan. Waxay ii horseedeysa inaan kor isku sii qaado sababtoo ah weli waan da’ yarahay,” ayuu yiri 24 jirkaani. “Waxa iigu muhimsan waa kooxda waxaana mar walba isku dayaa inaan kooxda u sameeyo caawimisteyda ugu fiican.”
Dhanka kale Sir Alex Ferguson ayaa loo magacaabay macalinkii ugu wanaagsanaa bishii October, Tababarahaan ayeyabaal marintu ugu soo aaday sanad guuradiisii 26aad intii uu macalin u ahaa manchester United, waana abaal marintiisii 27aad ee bile ah ee uu ka qaadanaayo England Premier League tan iyo markii uu sutida u qabtay United.
W/Q: Ahmed Jaangoan
Email: jangoan@hotmail.com
Caasimada – Mogadishu.
