Liverpool oo dooneysa inay Janaayo 8 milyan kula soo wareegto Theo Walcott.

By Asad Cabdullahi Mataan

Liverpool ayaa dooneysa inay qiimo 8 milyan oo ginni ah Arsenal Janaayo ugala soo wareegto Theo Walcott, xidiga reer Englan waxa uu qadnaraaskiisa Arsenal dhacayaa inta lagu jiro xagaaga waxayna Gunners isku deyeysaa inay la saxiixato qandaraas cusub inta aan la gaarin ciida Kirishtanka.

23 jirkaan ayaa laga war qabaa inuu diiday shan sano oo qandaraas ah oo uu isbuucii ku qaadanayo mushaar gaaraya 75 kun oo ginni, wuxuuna shardi ku xiray inuu ka ciyaaro doorka weerarka iyo sidoo kale inuu helo boos joogto ah.

Tababaraha Liverpool Brendan Rodgers ayaana diyaar u ah inuu shuruudahaas ku dalbado. Wuxuuna doonayaa inuu Walcott soo xero gelsho Janaayo wuxuuna dalabyadiisa diri doonaa inta uusan Janaayo suuqu furmin, sida uu qorayo wargeyska Daily Mail.

Rodgers, ayaa ka wel-wel qaba weeraryahan la’aanta Reds ka dib markii uu West Ham amaah ku siiyey Andy Carroll iyadoo uu Fabio Borini ka jabay lugta hoosteeda. Liverpool ayaana gacmaha Swansea uga baxday Capital One Cup.

Wuxuu doonayaa inuu lasoo saxiixdo laba weeraryahan oo uu ku jiro Walcott si ay gool dhalinta ula wadaagaan Luis Suarez. Tababaraha Arsenal Arsene Wenger ayaana khamiistii qirtay inay door bidi karaa inay iska iibiyaan Walcott hadii lagu guul darreyso in qandaraas cusub laga saxiixo.

W/Q: Ahmed Jaangoan

E-mail: jangoan@hotmail.com

Mogadishu, Somalia.