Wasiirka ugu mashquulka badan DF oo noqday kan ugu safarada badan

Muqdisho (Caasimada Online) – Waxaa sii kordhaaya Safarada badan ee dalka uu uga maqan yahay Wasiir Amniga Xukuumada Somalia Maxamed Abuukar Islow ”Ducaale”.

Wasiir Ducaale oo kaalinta koowad kaga jira Wasiirada ugu mashquulka badan ayaa tan iyo markii loo magacaabay xilkaasi ka dhamaan la Safaro dalka dibadiisa.

Ducaale, ayaa noqonaaya Wasiirka ugu safarka badan marka la’eego wasiirada kale ee ka tirsan Xukuumada, waxaana xusid mudan in Mr Ducaale uu safar waliba la baxo Madaxweynaha dalka Maxamed C/llahi Farmaajo.

Ducaale, waxa uu Madaxweynaha la baxay ilaa Toban Safar, halka Ra’isul wasaarahana uu horay usii raacay safarkii uu ku gaaray dalka Qadar taariikhdu marka ay ku beegneyd 13 May 2017.

Safarada Wasiir Ducaale, ayaa soo dadajiyay habacsanaan dhanka amniga ah, waxaana xusid mudan in adduunka oo dhan ay ka siman yihiin Wasiiradooda amniga Safar la’aan, halka Wasiirada amniga ee soo mara Somalia ay yihiin kuwo aan dalka ku nasan.

Wasiir Ducaale, ayaan kawarqabin sida ay u socdaan howlaha amniga, waxaana shaqadiisa kusii shaqeeya Agaasimayaasha Hay’adaha amniga.

Sidoo kale, Wasiir Ducaale ayaa socdaaladiisa badan ee dibadda lagu micneeyay in loogu baahday wehlinta Madaxweynaha, waxaase u wehliyaa dano Ganacsi oo uu ku leeyahay Imaaraadka Carabta.

Si kastaba ha ahaatee, Madaxweynaha iyo Ra’isul wasaaraha dalka ayaan ku baraarugsaneyn howlaha looga baahan yahay Wasiirka.

Caasimada Online
Xafiiska Muqdisho
Caasimada@live.com